مـــــــــــــــاهـــــــــــو جـــــفـــــاااااا

لاتحسب اني للمفارق موالف ,,, ماتدري ان الشوق عقبك كواني!

ماهو جفا يوم ابتعد وانت عارف ,,, مير "البلا "هو كبريائي دعاني..!

حاولتنا ابعد عن ملاقاك خايف ,,, لايحن لك قلبي.. لكنه عصاني..!

قلي بربك حالنا ليش واقف؟!,,, ليش البرود يلف كل المكاني ؟!

تاه الحكي مادل درب الشفايف ,,, والغربة القشراء تشيد مباني..!

وصار الصمت هو خلنا اللي موالف ,,, وعذالنا للبعد ترسم اماني..!

ومهما حصل لايمكن انسى مواقف ,,, كانت من اجمل ماحصل في زماني

حنيت لك ولجلستك والسوالف,,, وحنيت لاوقات تمر بثواني..!

مكانك الشاغر..يهدد وحالف ,,, ما يسكنه شخصٍ بعيد(ن)وداني..!